Welkom boodskap

Mnr RS Muller, Skoolhoof

As hoof van hierdie pragtige en unieke skool is dit vir my ‘n voorreg om u op ons webwerf te verwelkom en u uit te nooi om ons skool te besoek. Pionier is trots daarop om as die énigste suiwer Afrikaanse skool in Kwa-Zulu Natal baanbrekerswerk te kan doen op die terreine van opvoeding, onderrig en skoling.

​

Elkeen betrokke by hierdie mooi skool het ‘n deurslaggewende rol te speel in die suksesse wat ons behaal. My dank aan toegewyde en hardwerkende onderwysers, ywerige en gefokusde leerlinge en lojale en ondersteunende ouers en gemeenskap. Sonder julle is ons nie SKOOL nie!