RIGLYNE T.O.V. KLEREDRAG EN ALGEMENE VOORKOMS VIR SEUNS

SOMERSDRAG (Tydperk : Januarie ?30 April en 1 Oktober ?Desember)

• Blou hemp met skoolwapen op die sak ingeweef
• Blou oortrektrui (opsioneel)
• Grys langbroek of grys kortbroek
• Skoolkouse
• Indien dit ‘n koue dag is moet die skoolbaadjie met ‘n das gedra word ?geen langmoutrui nie

WINTERSDRAG (Tydperk : 1 Mei tot 30 September en formele skoolfunksies)

• Blou hemp met skoolwapen op die sak ingeweef
• Das en baadjie is verpligtend elke dag.
• Op baie koue dae mag ‘n oortrektrui of langmoutrui gedra word (nie albei nie) saam met das en baadjie
• Grys langbroek
• Skoolkouse

SPORTDRAG

• ‘n Algemene sporthemp- en broek is by die verskaffers beskikbaar. Daar is enkele dae per jaar dat leerlinge hierdie drag in die plek van skoolklere mag skooltoe dra. Hierdie drag word ook vir die interlaer byeenkomste aangetrek
• Tenniskouse met sporttekkie
• Voorgeskrewe sportdrag moet tydens spansporte gedra word.
• Atletiek (behalwe interlaer) : Pionier atletiekdrag is beskikbaar
• Swem (behalwe interlaer) : Slegs swart “speedo?of swart kort swembroek mag gedra word.

ALGEMEEN :
TRUIE

Langmoutruie : Mag slegs gedra word met ‘n baadjie in die winter as dit baie koud is. Indien ‘n leerling met slegs ‘n langmoutrui sonder ‘n baadjie by die skool opdaag sal die leerling gevra word om die trui uit te trek. Oortrektruie : Mag gedra word sonder ‘n baadjie in die somer. ‘n Oortrektrui mag nie saam met ‘n langmoutrui gedra word nie.

KOUSE

Slegs die amptelike grys sokkies wat by die verskaffers beskikbaar is mag gedra word by skooldrag.

LYFBAND (beld)

Lyfbande met ‘n gespe wat nie uitspattig is nie moet gedra word. Die belt moet ‘n effekleurige bruin, swart of grys wees.

DAS

Geen das waarop geteken of waaroor getorring is, sal toegelaat word nie.

SERPE

Alleenlik navy serpe mag saam met wintersdrag gedra word op baie koue dae. Indien ‘n wintersport 1ste span ‘n serp het, mag dit ook gedra word..

SKOENE

Slegs skoene wat herkenbaar is as skoolskoene mag gedra word en geen ander skoene sal toegelaat word nie. Skoolskoene met ‘n enkel band oor die brug van die voet loop en met ‘n enkel gespe vasgemaak word sal ook aanvaar word. Skoene sal daagliks gepolitoer word en skoon wees.

ARBANDE

Slegs een effekleurige armband met ‘n Christelike boodskap daarop en wat nie breër as een sentimeter is nie, mag met skooldrag gedra word.

TATOEëRMERKE

Geen sigbare tatoeëermerke sal toegelaat word nie. Leerlinge mag nie op hulle arms of gesigte skryf of krap nie.

TONG-, OOR- EN OOG RINGE

Geen tong-, oor- en oog ringe word toegelaat nie.

HARE

Die volgende riglyne ten opsigte van hare moet gevolg word :

1. Hare op die voorkop moet bokant die wenkbroue wees ?ook as dit in ‘n middelpaadjie gedra of vorentoe gekam word.
2. Hare in die nek moet bokant die kraag van die hemp of baadjie wees.
3. Hare moet vanaf hierdie punt (in 2 genoem) geleidelik dikker en langer word en mag GLAD NIE ‘n wig vertoon nie.
4. Hare mag nie oor die ore hang nie.
5. Hare voor die ore mag nie laer groei as die bopunt van die gaatjie van die oor nie.
6. Hare moet te alle tye skoon wees en netjies vertoon.
7. HARE MAG NIE GEKROES OF GEKLEUR WORD NIE. Uitspattige haarstyle soos lang omkrulpunte, geskeerde sykante of “spikes?of die algehele afskeer van hare word nie toegelaat nie. HARE WAT LANGER AS BORSELKOP GEDRA WORD, MOET GEKAM WEES EN MAG NIE BLOOT DEURMEKAAR GEDRA WORD NIE.
8. Geen verlengstukke word toegelaat nie.
9. Geen deurmekaar ongekamde haarstyl.
10. Geen sogenaamde “Mohawk?styl nie.
11. Haarjel mag op baie kort hare gedra word, maar GEEN SPYKERPUNTE (“spikes? word TOEGELAAT NIE.
12. GEEN “DREADLOCKS?WORD TOEGELAAT NIE.

LET WEL :

1. Indien daar ‘n onduidelikheid oor ‘n leerder se hare ontstaan, sal die uitspraak van die Hoof finaal wees.

2. Die leerder sal onmiddelik deur sy ouer na ‘n haarkapper vergesel word en eers by die skool toegelaat word as die Hoof tevrede is. In die geval van ‘n koshuis leerder sal die leerder geneem word na ‘n haarkapper op eie onkoste.

RIGLYNE T.O.V. KLEREDRAG EN ALGEMENE VOORKOMS VIR DOGTERS

SOMERSDRAG (Tydperk : Januarie ?30 April en 1 Oktober ?Desember)

• Blou rok met skoolwapen links ingeweef
• Blou hemp
• Blou oortrektrui (opsioneel)
• Kort blou kouse met swart standaard skoolskoen
• Indien dit ‘n koue dag is moet die skoolbaadjie met ‘n das gedra word ?geen langmoutrui nie

WINTERSDRAG (Tydperk : 1 Mei ?30 September en formele skoolfunksies)

• Blou hemp
• Blou rok met skoolwapen links ingeweef of donkerblou langbroek
• Das en baadjie is verpligtend elke dag
• Op baie koue dae mag ‘n oortrektrui of langmoutrui gedra word (nie albei nie) saam met das en baadjie
• “Navy?blou sykouse of lang blou kouse word gedra. Geen kort blou kouse sal toegelaat word nie

SPORTDRAG

• ‘n Algemene sporthemp- en broek is by die verskaffers beskikbaar. Daar is enkele dae per jaar dat leerlinge hierdie drag in die plek van skoolklere mag skooltoe dra. Hierdie drag word ook vir die interlaer byeenkomste gedra.
• Tenniskouse met sporttekkie
• Voorgeskrewe sportdrag moet tydens spansporte gedra word
• Atletiek (behalwe interlaer) : Pionier atletiekdrag is beskikbaar
• Swem (behalwe interlaer) : Slegs swart of “navy?eenstuk swembroek mag gedra word

ALGEMEEN :

1. HARE
   Dogters mag nie hul hare onnatuurlik kleur nie. Dit mag ‘n skakering ligter of donkerder gekleur word. Strepies mag ingesit word mits dit natuurlik lyk. Swart is onnatuurlik en word nie toegelaat nie. Hare moet in ‘n netjiese snit gesny word. Dogters sal nie toegelaat word om hul hare in hul o?te laat hang nie, as die hare langer as die wenkbroue is, moet dit met ‘n knippie vasgesteek word. Indien hare die kraag raak moet dogters hul hare vasmaak.
2. TRUIE
   Langmoutruie : Mag slegs gedra word met ‘n baadjie in die winter as dit baie koud is. Indien ‘n leerling met slegs ‘n langmoutrui sonder ‘n baadjie by die skool opdaag sal die leerling gevra word om die trui uit te trek. Oortrektruie : Mag gedra word sonder ‘n baadjie in die somer. ‘n Oortrektrui mag nie saam met ‘n langmoutrui gedra word nie.
3. GRIMERING EN NAELS
   Dogters mag geen grimering dra nie. Dogters wat grimering dra moet na Mev. Viljoen toe gestuur word om hul grimering te verwyder en kry 40 punte. Naels moet kort en netjies wees. Deurskynende naellak mag gedra word. Geen “french manicure?of vals naels mag gedra word nie. Dogters met lang naels word na Mev. Viljoen toe gestuur om te knip en kry 10 punte.
4. JUWELIERSWARE
   Dogters mag slegs die standaard ringetjies en “studs?dra. Geen diamante of pêrels nie. Geen armband en tongringe mag gedra word nie. Slegs een oorring of “stud?per oor in die onderste gaatjie word toegelaat. Verwyder juweliersware en handig dit in by Mev. Lindeque met dogter se naam en toelatingsnommer op, asook die datum wat dit geneem is. Die dogter mag na 4 weke dit gaan haal by Mev. Lindeque (finansiële sekretaresse). Slegs een enkel armband met ‘n Christelike boodskap daarop en wat effekleurig nie breër as een sentimeter is mag met skooldrag gedra word.
5. HAARREKKIES EN KNIPPIES
   Dogters mag oranje/wit/blou asook bruin/swart haarrekkies dra. Strikkies is toelaatbaar in oranje/wit/blou. Haarknippies moet donkerblou/swart/bruin wees. Geen knippies wat stene/diamante op het, mag gedra word nie. Die “Alicebands?moet dun of standaard breedte wees. Oortreders kry 10 punte.
6. ROK LENGTES
   Gesonde oordeel moet toegepas word deur onderwysers en bestuurslede. Rokke moet sowat 10cm bokant die dogter se knie wees. Indien ‘n dogter se rok te kort is kry sy 10 punte. Die personeellid wat die punte gegee het moet opvolg en sorg dat die dogter se rok langer gemaak word.
7. SKOOLSKOENE
   Dogters moet standaard swart leerskoene dra. Geen “ballet?skoentjies word toegelaat nie. Skoene sal daagliks gepolitoer word en skoon wees.
8. TATOEËRMERKE/GRAVITI
   Geen sigbare tatoeëermerke sal toegelaat word nie en leerlinge moet ook nie op hulle arms of gesigte skryf of krap nie.
9. MATRIEKDOGTERS SPESIALE VERGUNNING
   Matriekdogters mag hul naels effens langer as die res van die dogters dra. Dit sal binne perke moet geskied aangesien naelinspeksie deur die leerlingbestuur gedoen sal word om dit te kontroleer.
10. MATRIEKAFSKEID
    Vergunning word gemaak vir die kleur van hare ‘n week voor die afskeid, maar moet weer terug gekleur word na die natuurlike kleur nie later as 1 week na die matriekafskeid.
11. SERPE
    Navy serpe mag saam met wintersdrag gedra word op baie koue dae. Indien ‘n wintersport 1ste span ‘n serp het, mag dit ook gedra word.

Neem kennis indien u dogter nie die voorgeskrewe voorskrifte volg nie en met inspeksiedatums, nie voldoen aan bogenoemde vereistes nie sal daar STRENG stappe teen u dogter geneem word.